Startapların inkişafına dəstək verən “Star Venture” proqramına müraciət üçün son tarix Azərbaycanda 8 dekabra qədər uzadılıb.
24 aylıq fərdi proqram startaplara bizneslərini tam potensiala çıxarmaq üçün zəruri resurslar təqdim edir. Proqram çərçivəsində iştirakçılar biznes diaqnostikası, ekspert mentorluğu, investorlarla təqdimatlar və beynəlxalq sərgilərdə iştirak imkanlarına malik olacaqlar. Həmçinin iştirakçılar maliyyə və investor şəbəkələrinə çıxış, fərdi məsləhət və pulsuz e-öyrənmə xidmətlərindən faydalana biləcəklər.
“Star Venture” proqramı, startaplara biznesdəki maneələri müəyyən etmək, problemləri həll etmək üçün yol xəritəsi hazırlamaq və bizneslərini növbəti səviyyəyə qaldırmaq üçün lazımi alətlər təqdim edir. Proqram çərçivəsində iştirakçılara 50 000 avroya qədər fərdi məsləhət və mentorluq xidməti göstərilir, bu xidmətlər isə startaplardan heç bir pay tələb etmədən təqdim olunur.
Proqrama müraciət etmək və daha ətraflı məlumat əldə etmək üçün rəsmi sayt: https://shorturl.at/RKO1V
Qeyd edək ki, proqram İsveçrə Dövlət İqtisadiyyat Sekretariatı (SECO) tərəfindən dəstəklənir.
