9 Dekabrda Fairmont Flame Towers-da Gamesummit adlı böyük oyun festivalı keçiriləcək. Bu tədbir öncəkindən daha maraqlı və heyəcanlı olacaq. Tədbirdə daha çox oyun, kospley, musiqi və oyun və geek mədəniyyətinin bütün izləyiciləri üçün əyləncə gözlənilir.
11 İyun tarixində keçirilən ilk tədbiri 3 minə yaxın adam ziyarət etmiş və 70-dən çox şirkət, təşkilat və sponsorları cəlb etmişdir. Bu faktlar Gamesummit-in yerli oyunçu və geek mədəniyyəti izləyiciləri arasında böyük populyarlığa sahib olduğunu göstərir.
9 Dekabr üçün planlaşdırılan yeni Gamesummit tədbirində oyun çempionatları, kospley müsabiqələri, K-Pop çıxışları, VR zona və oyun, anime və komiks ilə əlaqəli müxtəlif suvenir və aksesuarları almaq imkanı kimi daha çox maraqlı tədbirlər və əyləncələr gözlənilir.
Həm də ilk dəfə olaraq bu tədbirdə yerli oyun inkişaf etdiriciləri üçün müsabiqə və ayrıca bir biznes konfransı təşkil olunacaq.
Biletləri rəsmi veb səhifədən əldə edə bilərsiniz.
Qeyd edək ki, biletlərin sayı məhduddur.
