Azərbaycanda CRM şirkəti SEO mütəxəssisi axtarır. Bu barədə elan Linkedin platformasında paylaşılıb. OnlyFans məzmun yaradıcıları üçün CRM xidməti təqdim edən Fans-CRM şirkəti elanı paylaşıb. Şirkət elanda SEO sahəsində təcrübəli mütəxəssisləri öz komandalarına dəvət etdiklərini açıqlayıb. İllik 12-24 min dollar maaş təklif olunan bu vəzifə, həm rəqəmsal marketinq sahəsində, həm də beynəlxalq bazarda fəaliyyət göstərən bir şirkətdə karyera qurmaq istəyənlər üçün fürsət kimi təqdim edilir.
Fans-CRM şirkətinin elan etdiyi SEO mütəxəssisi vəzifəsinə əsasən, mütəxəssis bu işləri yerinə yetirməlidir: əsas layihə və əlaqəli layihələr üçün semantik məlumatların toplanması və təhlili, ümidverici tanıtım istiqamətlərinin araşdırılması, kopirayterlər üçün texniki tapşırıqların hazırlanması və məzmun keyfiyyətinə nəzarət.
Vəzifələrə həmçinin veb səhifələrin “On-the-Page” optimizasiyası, kod və məzmunun tam optimizasiya prosesi, sürət və kod problemlərinin həlli, məhsul səhifələrinin dönüşüm potensialının artırılması daxildir. Rəqib araşdırması, bazar dəyərləndirilməsi, saytın axtarış görünürlüğünün təhlili, xarici linklərin genişləndirilməsi və uğurlu strategiyaların tətbiqi də əsas vəzifələrdəndir.
Fans-CRM şirkəti yaradıcı şəxslərə və şirkətlərə öz fəaliyyətlərini daha səmərəli şəkildə idarə etmək üçün kompleks həllər təqdim edir. Şirkətin CRM platforması idarəetmə, analitika, ünsiyyət və tanıtım sahələrini əhatə edir. Məqsəd, çoxsaylı alətlərdən istifadə ilə bağlı çətinlikləri aradan qaldıraraq istifadəçilərə birgə və effektiv bir sistem təqdim etməkdir.
