Cənubi Koreyanın Hyundai Motor Group şirkəti elektrik taksilər üçün batareya abunə modelini pilot layihə kimi tətbiq etməyi planlaşdırır. Layihə çərçivəsində 5 ədəd Hyundai IONIQ 5 modeli istifadə olunacaq və batareya avtomobildən ayrı şəkildə təqdim ediləcək.
Proqrama əsasən, sürücülər və ya şirkətlər avtomobilə sahib olacaq, batareya isə Hyundai Capital tərəfindən idarə ediləcək. Məqsəd elektrik avtomobillərinin ilkin dəyərini azaltmaqdır.
Şirkət bildirib ki, ötən il korporativ taksi üçün istifadə edilən Kia EV6 modelinin batareyasız qiyməti təxminən 13 min dollar olub, aylıq batareya haqqı isə 950 dollar təşkil edib.
Bununla belə, modelin ümumi xərclər baxımından tam satınalma ilə müqayisədə daha sərfəli olub-olmayacağı hələlik sual altındadır.
