Uber Almaniyanın qida çatdırılması şirkəti Delivery Hero-da payını artırmaq üçün Prosus ilə 270 milyon avro (təxminən 318 milyon dollar) dəyərində razılaşma əldə edib. Bu barədə tərəflər aprelin 17-də məlumat veriblər.
Razılaşmaya əsasən, Uber Delivery Hero-nun 4,5%-lik səhmini əldə edəcək. Prosus səhmləri hər biri 20 avro (təxminən 24 dollar) qiymətinə satır ki, bu da aprelin 16-na olan bir aylıq orta bazar qiymətindən təxminən 22% yüksəkdir.
Satış nəticəsində Prosus-un Delivery Hero-dakı payı 26,3%-dən 21,8%-ə düşəcək. Bu addım Avropa antiinhisar tənzimləyicilərinin tələbi ilə atılıb. Belə ki, Prosus-un Just Eat Takeaway.com şirkətini 4,3 milyard dollara alması fonunda onun Delivery Hero-dakı payını azaltması tələb olunmuşdu.
