Rusiya məhkəməsi WhatsApp-ı qadağan edilmiş məzmunda olan söhbət qrupunu silmədiyinə görə 3 milyon rubl (təxminən 37 min dollar) cərimələməyə qərar verib.
Paytaxt Moskvada baxılan məhkəmə işində WhatsApp vasitəsi ilə qeyri-qanuni yolla antidepresan preparatlar satıldığı müəyyən edilib.
Məhkəmə Rusiyanın müvafiq qurumlarının tələbinə baxmayaraq WhatsApp-ın qrupu silmədiyi üçün şirkətin qanunvericiliyə əməl etmədiyinə qərar verib və WhatsApp-ı 3 milyon rubl cərimələyib.
Beləliklə “WhatsApp” Rusiyada ilk dəfə olaraq cərimələnib. Buna qədər şirkət əvvəllər başqa ölkələrdə də müxtəlif səbəblərdən cərimələnmişdi.
