Xarici vətəndaşlar "SİMA İmza"dan istifadə edə biləcək

"AzInTelecom" MMC-nin rəsmisi Tamerlan Məşədihəsənli IX Bankçılıq Forumundakı çıxışı zamanı bildirib ki, xarici ölkə vətəndaşlarının da "SİMA İmza"dan yararlana bilməsi üçün zəruri texniki hazırlıq işlərinə artıq start verilib. Bu yenilik sayəsində Avropa, Asiya və Afrika ölkələrinin sakinləri Azərbaycana fiziki olaraq səfər etməyə ehtiyac duymadan, sadəcə mobil tətbiqi yükləməklə və öz pasportları, yaxud milli şəxsiyyət vəsiqələri vasitəsilə sistemdə qeydiyyatdan keçə biləcəklər. Hazırda sınaq mərhələsində olan layihə üzrə testlər uğurla yekunlaşdıqdan sonra xidmət tam funksional şəkildə istifadəçilərin ixtiyarına veriləcək.