ABŞ ordusu virtual dünyada təlimlər keçməyi planlaşdırır. Məlumatlara görə, ABŞ “Synthetic Education Environment (STE)” adlı proqram çərçivəsində rəqəmsal dünyada hərbi təlimlər həyata keçirəcək.
Bu proqram çərçivəsində hazırlanmış metaverse şirkətlərin virtual dünyalarından fərqlənəcək. Çünki dünyanın 1:1 rəqəmsal əkizini yaratmağa çalışan ABŞ ordusu məlumatları virtual mühitə uyğun şəkildə hazırlayır. Bununla da virtual aləmdəki torpaqlar dünyadakı kimi görünür.
Onu da qeyd edək ki, 2017-ci ildə istifadəyə verilən proqram ABŞ ordusu üçün bir çox məqsədlər üçün istifadə olunur. Bunlara dünyanın istənilən relyefində strategiyanın hazırlanması, virtual təlimlərin keçirilməsi və vahid təlim mühitində müxtəlif hərbi hissələrin hazırlanması daxildir. ABŞ ordusu simulyasiya üçün Yerin 1:1 rəqəmsal əkizindən istifadə etdiyini söyləsə də, onun 2030-cu ilə qədər təhsildə də istifadə ediləcəyi ehtimal olunur.
