Yapı Kredi Atatürkün gələcək nəsillər üçün saxladığı şəxsi əşyalar kolleksiyasını NFT olaraq bu gün Metaverse-də sərgiləməyə başlayacaq.
Atatürkün medalları, kəhrəba təsbeh, taxta çubuq, qrammofon və Atatürkün anası Zübeyde Xanımın eynək çərçivəsi kimi çox nadir əşyaların NFT kimi göründüyü bu xüsusi kolleksiya üçün Yapı Kredi Metaverse-də açdığı üç mərtəbəli binanın ilk mərtəbəsini muzeyə çevirib. Əldə olunan məlumatlara görə, Atatürkün bir çox şəxsi əşyalarının NFT versiyalarını bir araya gətirən sərgini blokçeyn əsaslı metaverse platforması Decentraland üzərində -112, -43 koordinatlarında yerləşəcək Yapı Kredi binasında ziyarət etmək mümkün olacaq.
Qeyd edək ki, sərgini ziyarət etmək üçün rəqəmsal pul kisəsi yaratmadan https://play.decentraland.org saytındakı “Qonaq olaraq davam et” seçiminə klikləməklə, Atatürkün əşyalarından ibarət NFT Kolleksiyası qonağı kimi metaverse dünyasına daxil ola bilərsiniz.