iPhone 15 istifadəçilərinin səbirsizliklə gözlədiyi yeniləmə yayımlanıb. Apple xüsusilə iPhone 15 Pro modellərində həddindən artıq qızma problemini aradan qaldıran iOS 17.0.3 yeniləməsini hərkəs üçün əlçatan edib.
Apple iPhone 15 Pro-nun həddindən artıq qızma problemininin olduğunu etiraf edərək açıqlamasında problemin titan dizaynı ilə heç bir əlaqəsi olmadığını, ancaq üçüncü tərəf proqramları ilə birlikdə iOS 17-dəki səhvdən qaynaqlandığını qeyd edib. iOS 17.0.3 yeniləməsi ilə bu problemin həll ediləcəyi bildirilib. Yeniləmə qeydlərinə adi vacib səhv düzəlişləri və təhlükəsizlik yeniləmələri, eləcə də iPhone-un gözləniləndən daha isti işləməsinə səbəb olan problemin həlli daxildir.
