Mastercard NFT və blokçeyn sektoruna maraq göstərən şirkətlərdən biridir. Kripto sektorunda investisiyalar və texnoloji infrastruktur addımları atan şirkət bu dəfə daha əyləncə yönümlü addım atıb.
İstifadəçilər öz NFT-lərinin dizaynlarını kredit kartlarının ön hissəsinə əlavə edə biləcəklər. Şirkət NFT dizaynlı kartlar üçün Hi adlı bir şirkətlə əməkdaşlıq da edib. Bu barədə məlumatı Mastercard-ın Kripto və Fintech üzrə vitse-prezidenti Kristian Ra açıqlamasında qeyd edib.
Bildirilir ki, hazırda kartlarda Bored Ape və Moonsbirds NFT-ləri dəstəklənir. Yaxın zamanda NFT sayının artması ilə bağlı məlumatlar hələ ki yoxdur. Bundan əlavə, bu kartlarla alış-verişi kriptovalyutalar ilə də etmək mümkündür. Onu da qeyd etmək lazımdır ki, həmin ödəniş yerləri Mastercard-a uyğun olmalı və kriptovalyutanı qəbul etməlidir.