Meta öz tədbirində yeni nəsil VR/AR eynəkləri "Meta Quest Pro"nu təqdim edib. Facebook-un metaverse platforması Horizon-a da qoşula bilən Meta Quest Pro maraqlı dizayn xüsusiyyətlərinə malikdir.
Simsiz idarəetmə avadanlığı olan eynəklərin xarici mühiti təhlil etmək üçün sensorları var. Bundan əlavə, 12 GB əməli yaddaş və 256 GB daxili yaddaşı olan yeni nəsil AR/VR eynəkləri Snapdragon XR2 Plus prosessoru ilə təchiz edilib.
“Quest 2” ilə müqayisədə bu cihaz istifadəçisinin üzünə yönəlmiş yeni kameralara malikdir. Onlar insanın göz hərəkətlərini və üz ifadələrini izləyə biləcək. Həmçinin iki 1800×1920 piksel 90 Hz LCD ekranın istifadə edildiyi eynəklər maksimum 2 saat simsiz istifadə imkanı verir.
Əlavə edək ki, Meta Quest Pro-nun satış qiyməti isə 1499 dollar müəyyən edilib.
