Metaverse üçün VR eynəkləri dizayn edən və geyim markaları ilə əməkdaşlıq edən Meta metaverse-də istifadə olunacaq kriptovalyutalar üçün rəqəmsal pul kisəsini təqdim etməyə hazırlaşır.
Meta-nın baş direktoru Mark Zukerberq bu gün şirkətin insanlara rəqəmsal avatarlarını və ödənişlərini idarə etməyə imkan verəcək rəqəmsal pul kisəsi üzərində işlədiyini açıqlayıb. O, açıqlamasında bildirib ki, yeni rəqəmsal pul kisəsinin yaradıcılar üçün bir sıra üstünlükləri də olacaq.
Baş direktor rəqəmsal pul kisəsinin metaverse-də ödəniş etmək üçün tələb olunub-olunmayacağı barədə isə heç bir məlumat verməyib. Meta-nın yeni kriptovalyuta pul kisəsinin nə vaxt istifadəyə veriləcəyi də hələlik bəlli deyil.
