Meta şirkəti 2023-cü ilin ilk rübünün hesabatlarını açıqlayıb. Hesabata görə, Meta-nın ən çox istifadə edilən Instagram, Facebook və WhatsApp platformaları 28,6 milyard dollar gəlir əldə edib.
Lakin, açıqlanan maliyyə hesabatına görə, Metaverse investisiyasından məsul olan Reality Labs şirkəti 4 milyard dollar zərər edib. Mütəxəssislər 2023-cü ildə dəymiş ziyanın miqdarının artmağa davam edəcəyini düşünürlər
Meta şirkətinin rəhbəri və Facebook-un qurucusu Mark Zukerberq mövzu ilə bağlı açıqlama verib. Çıxışında süni intellektin əhəmiyyətini vurğulayan Mark Zukerberq Metaverse-in populyarlığını qoruduğunu bildirib. O əlavə edib ki, ekspertlərin dediklərinin əksinə 2023-cü ildə şirkətin gəlirliliyi artacaq.
Hesabatlar göstərir ki, ötən ildən etibarən Metaverse-də qeydiyyatdan keçən istifadəçilərin sayı artsa da, aktiv istifadəçilərin sayı azalıb. Beləliklə, Metaverse getdikcə populyarlığını itirir. Əlavə olaraq qeyd edək ki, ötən ilin şirkət 13,7 milyard dollar zərər edib.