Metaverse-də ilk futbol matçı keçirilib

Artıq həyatımızın bir hissəsinə çevrilən Metaverse-də daha bir ilk reallaşıb. İtaliya Seria A-da keçirilən qarşılaşma virtual aləmdə də izlənilib. Virtual kainat kimi tanınan platformada mağazalar açılır, torpaq alınır, bəzən tədbirlər təşkil edilir. Bütün bunlarla diqqət çəkən metaverse-də bu dəfə futbol matçı yayımlanıb. Belə ki, dünyanın ən yaxşı liqalarından biri olan Seria A-da oynanılan Milan-Fiorentina matçı da Afrika və Yaxın Şərqdəki azarkeşlər üçün metaversedə təqdim olunub. "The Nemesis" adlı Seria A otağından yayımlanan qarşılaşma dünyada Metaversedə canlı izlənilən ilk futbol matçı olub. Seri A-da oynanan AC Milan-Fiorentina matçı böyük əhəmiyyət kəsb edib. Yayım zamanı tamaşaçıların oyun otağı ilə qarşılıqlı əlaqəsi də mümkün idi. Onu da qeyd edək ki, Metaverse-də keçirilən matç Blockchain texnologiya şirkəti ConsenSys və video oyun platforması The Nemesis ilə əməkdaşlıq çərçivəsində təşkil edilib.