Metaverse dünyası böyük şirkətlərin iştirakı ilə hər gün böyüməyə davam edir. Fransanın Paris Saint-Germain Futbol Klubu bu dəfə metaverse-də maraqlı bir layihəyə start verməyə hazırlaşır.
Klub hətta məşhur tayvanlı musiqiçi Jay Chou ilə yeni metaverse sənət layihəsinə başlamaq üçün əməkdaşlıq da etməyə başlayıb. Bundan əlavə, PSG metaverse dünyasına daxil olmaq üçün ilk addımları keçən mart ayında atmış və NFT dəstəkli multimedia, kriptovalyuta pul kisələri kimi bir çox sahədə əmtəə nişanları üçün müraciət etmişdi.
Onu da deyək ki, futbol klubunun metaverse layihəsinin tanıtım videosunda futbol ulduzları Lionel Messi və Neymarı Chou ilə birlikdə yer alıb və PSG-nin talismanını Chou-nun unikal dizayn tərzi ilə birləşdirən sənət əsərinin önizləməsi nümayiş etdirilib.
