Startaplarla kiçik biznes arasında çoxlu fərqlər var. Bu fərqlər hər ikisində idarə olunma üsulları, inkişaf potensialı və biznes modellərindəki fikir ayrılıqları və s. ilə əlaqədardır.
Biz sizə startapları kiçik bizneslərdən fərqləndirən bəzi əsas cəhətləri təqdim edirik.
Biznes modeli
Kiçik bizneslər ənənəvi biznes modellərindən istifadə edir, startaplar isə innovativ və müxtəlif biznes modelləri hazırlayır. Bu biznes modelləri yeni ideya və texnologiyalardan istifadə etməklə biznesin inkişaf potensialını artırmağı hədəfləyir. Startaplar böyük risk altında olan innovasiyalara diqqət yetirir və çox vaxt böyük potensial gəlirlərə malikdir.
Biznes ideyaları
Startapçılar yeni və innovativ biznes ideyaları üzərində işləyir, həmçinin bazardakı boşluğu aradan qaldırmaq üçün çalışırlar. Kiçik biznes isə mövcud biznes ideyası üzərində qurulur.
İnkişaf potensialı
Startaplar sürətli inkişaf potensialına malikdirlər, çünki onlar innovativ biznes modelləri, texnologiyaları və marketinq strategiyalarından istifadə etməklə öz bizneslərini daha sürətli böyüdürlər. Kiçik biznes müəssisələri isə məhdud resurslar və məhdud inkişaf potensialı səbəbindən ümumiyyətlə daha yavaş inkişaf edir.
Risk
Startaplar çox vaxt daha yüksək risklərlə üzləşirlər. Çünki yeni biznes ideyasına investisiya etmək və ya bazara rəhbərlik etmək risk tələb edə bilər. Kiçik müəssisələr isə, ümumiyyətlə, daha az risk alaraq sabit iş fəaliyyətini davam etdirirlər.
Maliyyələşmə
Startaplar tez-tez vençur kapitalı, mələk investorlar kimi alternativ maliyyə mənbələrinə ehtiyac duyurlar. Kiçik bizneslər isə bank kreditləri və ya şəxsi əmanətlər kimi ənənəvi maliyyə mənbələrinə, çox vaxt öz maliyyə mənbələrinə arxalanırlar.
Startapla kiçik biznesin ən mühüm fərqi isə startapın daha texnologiya yönümlü olmasıdır. Nəticə etibarilə onu deyə bilərik ki, startaplarla kiçik biznes arasında çoxlu fərqlər var.
